maasiddipet

One Stop For Any Stuff

  9 51 51 77 062   

View Details

  • Blog Title

    వరాల సునామీ

    ఆర్టీసీ కార్మికులపై ముఖ్యమంత్రి కేసీఆర్‌ వరాల వర్షం కురిపించారు. వారిని ఇకనుంచి ఆర్టీసీ ఉద్యోగులుగా పిలవాలని నిర్దేశించారు. సెప్టెంబరు నెల జీతాన్ని సోమవారమే (డిసెంబరు 2) అందిస్తామన్నారు. కార్మికులు సమ్మె చేసిన 55 రోజులకూ వేతనం ఇస్తామని ప్రకటించారు. దానిని ఏకమొత్తంగా అందిస్తామని తెలిపారు. ఆర్టీసీ ఉద్యోగుల పదవీ విరమణ వయసును 58 ఏళ్ల నుంచి 60 ఏళ్లకు పొడిగిస్తున్నట్లు వెల్లడించారు. ఉద్యోగులకు ఇంక్రిమెంట్‌ యథావిధిగా ఇస్తామన్నారు. ఆర్టీసీలో ఒక్కరిని కూడా ఉద్యోగంలోంచి తీసేయకుండా కార్మికులకు ఉద్యోగ భద్రత కల్పిస్తామని, ఒక్క రూటులో ఒక్క ప్రైవేటు బస్సుకు కూడా అనుమతి ఇవ్వబోమని స్పష్టం చేశారు. వచ్చే ఏడాది నుంచి ఏటా బడ్జెట్లో ఆర్టీసీకి వెయ్యి కోట్ల రూపాయలు కేటాయిస్తామని హామీ ఇచ్చారు. ముఖ్యమంత్రి కేసీఆర్‌ ఆదివారం ప్రగతి భవన్‌లో ఆర్టీసీ కార్మికులతో ఆత్మీయ సమావేశం ఏర్పాటు చేశారు. డిపోకు ఐదుగురు చొప్పున 97 డిపోల నుంచి కార్మికులు పాల్గొన్నారు. రవాణా శాఖ మంత్రి పువ్వాడ అజయ్‌, ముఖ్య సలహాదారు రాజీవ్‌ శర్మ, ఆర్టీసీ ఎండీ సునీల్‌ శర్మ, ఈడీలు, ఆర్‌ఎంలు, డీవీఎంలు, డీఎంలు, కంట్రోలర్లు, సూపర్‌వైజర్లు పాల్గొన్నారు. కార్మికులతో కలిసి మధ్యాహ్న భోజనం చేసిన కేసీఆర్‌.. తర్వాత రెండు గంటలపాటు వారితో సమావేశమయ్యారు. ఆర్టీసీ కార్మికులకు సంబంధించిన ప్రతి అంశంపైనా, ప్రతి సమస్యపైనా స్పందించారు. అప్పటికప్పుడు అధికారులకు స్పష్టమైన ఆదేశాలు జారీ చేశారు. నాలుగు నెలల్లోనే ఆర్టీసీ లాభాల బాట పట్టాలని, ప్రతి ఏడాదీ వెయ్యి కోట్ల రూపాయల లాభం ఆర్టీసీకి రావాలని, ప్రతి ఉద్యోగి ఏడాదికి లక్ష రూపాయల బోనస్‌ అందుకునే స్థితి రావాలని ఆకాంక్షించారు. సమావేశానికి సంబంధించిన వివరాలను ముఖ్యమంత్రి కార్యాలయం ఆదివారం ఓ ప్రకటనలో వెల్లడించింది. ఆ వివరాలు.. ఆర్టీసీకి నేనే బ్రాండ్‌ అంబాసిడర్‌ ఆర్టీసీకి తానే బ్రాండ్‌ అంబాసిడర్‌గా వ్యవహరిస్తానని సీఎం కేసీఆర్‌ ప్రకటించారు. అధికారులు, ఉద్యోగులు సమష్టిగా కృషి చేసి ఆర్టీసీని బతికించుకోవడానికి ప్రతిజ్ఞ చేయాలని పిలుపునిచ్చారు. సమష్టిగా కష్టపడి పోరాటం చేసి, తెలంగాణ సాధించుకున్న స్ఫూర్తితోనే ఆర్టీసీని లాభాల బాటన నడిపించాలని కోరారు. ‘‘నేను రవాణా శాఖ మంత్రిగా మూడేళ్లు పనిచేసి, ఆర్టీసీని లాభాల బాట పట్టించాను. నేటికీ నాకు ఆర్టీసీపై ఎంతో ప్రేమ ఉంది. ఆర్టీసీని బతికించడానికి ప్రభుత్వం తరఫున చేయాల్సిందంతా చేస్తాం. ఇక, అధికారులు, ఉద్యోగులు కలిసి పని చేసి, ఆర్టీసీని కాపాడాలి. నష్టాల్లో ఉన్న డిపోలను లాభాల బాట పట్టించాలి’’ అని పిలుపునిచ్చారు. రూట్లను రీ సర్వే చేయాలని చెప్పారు.